ଠାକୁରମୁଣ୍ଡା ବନବିଭାଗ କୁ ଗୋଟିଏ ପରେ ଗୋଟିଏ ସଫଳତା ତିନି ଦିନରେ ୨ କାଠ ଗାଡ଼ି ଜବତ

କରଞ୍ଜିଆ ବନଖଣ୍ଡ ଅଧିକାରୀ ଶ୍ରୀକାନ୍ତ ନାଏକ ଙ୍କ ନିର୍ଦ୍ଦେଶକ୍ରମେ ଠାକୁରମୁଣ୍ଡା ବନାଞ୍ଚଳ ଅଧିକାରୀ ଉମାକାନ୍ତ ବେହେରା ବିଶେଷ ସୁତ୍ରରୁ ଖବର ପାଇ ତରାମରା ଗ୍ରାମ ପଞ୍ଚାୟତ ଡକେଇପାଳ ଗ୍ରାମ ର ରାନ୍ଦସାହି ରେ ଚଢ଼ାଉ କରି ଏକ ଶାଳ ଲକ୍ ବୋଝେଇ ଟାଟା ଜେନନ ପିକପ୍ ଗାଡ଼ି କୁ ଜଵଦ କରିଛନ୍ତି। ଠାକୁରମୁଣ୍ଡା ରେ ନୁତନ ଵନାଞ୍ଚଳ ଅଧିକାରୀ ଭାବରେ ଉମାକାନ୍ତ ବେହେରା ଜୋଗ ଦେବା ପରେ କାଠ ବେପାରୀ ଙ୍କ ମହଲରେ ଛନକା ପଶିଯାଇଛି। ଆଜି ରାତି କୋଟ ୩,୧୫ ମିନିଟ ସମୟରେ ବିଶେଷ ସୁତ୍ରରୁ ଖବର ପାଇ ଠାକୁରମୁଣ୍ଡା ଵନାଞ୍ଚଳ ଅଧିକାରୀ ଉମାକାନ୍ତ ବେହେରା ଙ୍କ ନେତୃତ୍ବରେ ଠାକୁରମୁଣ୍ଡା ବନବିଭାଗ କର୍ମଚାରୀ ଡକେଇପାଳ ଗ୍ରାମ ରାନ୍ଦସାହି ରାସ୍ତାରେ ପେଟ୍ରଲିଙ୍ଗ କରୁଥିବା ସମୟରେ ଏକ ଶାଳକାଠ ଲକ୍ ବୋଝେଇ ଟାଟା ଜେନନ (OD 09H 7372) ନମ୍ବର ପିକପ୍ ଗାଡ଼ି କୁ ଅଟକାଇ ଥିଲେ। ଅନ୍ଧାର ର ସୁଜୋଗ ନେଇ ପିକପ ର ଡ୍ରାଇଭର ଦୈାଡି ପଳାଇ ଯାଇଥିଲା। ବନବିଭାଗ ଏକ ଟ୍ରାକ୍ଟର ଯୋଗେ ଟାଣି ଟାଣି ଠାକୁରମୁଣ୍ଡା ବନବିଭାଗ କାର୍ଯ୍ୟାଳୟ କୁ ଆଣିଛନ୍ତି। ଆଜି ର ଏହି ଚଢ଼ାଉ କାର୍ଯ୍ୟକ୍ରମ ରେ ଠାକୁରମୁଣ୍ଡା ଫରେଷ୍ଟର ବିଦ୍ୟାଧର ମହାନ୍ତ, ଚମ୍ପାଝର ଫରେଷ୍ଟର ବନ୍ଦନା ମହାନ୍ତ , ଫରେଷ୍ଟ ଗାର୍ଡ ସୁଶାନ୍ତ କୁମାର ପଲେଇ , ଚିତ୍ତରଞ୍ଜନ ନାଏକ, ଏଵଂ ଠାକୁରମୁଣ୍ଡା ର ସମସ୍ତ କର୍ମଚାରୀ ସାମିଲ ହୋଇଥିଲେ। କାଠଗଣ୍ଡି ର ମୁଲ୍ୟ ଏକଲକ୍ଷ ରୁ ଅଧିକ ହେବ ବୋଲି ବନବିଭାଗ ସୁଚନା ଦେଇଛନ୍ତି। ଠାକୁରମୁଣ୍ଡା ଵନାଞ୍ଚଳ ଅଧିକାରୀ କେଶ୍ ନଂ ୨ /୨୦୨୫/୨୬ ରେ ମାମଲା ରୁଜୁ କରି ତଦନ୍ତ ଜାରୀ ରଖିଛନ୍ତି।

ମୟୂରଭଞ୍ଜ ଜିଲ୍ଲାର କରଞ୍ଜିଆ ରୁ ହରେକୃଷ୍ଣ ତ୍ରିପାଠୀ ଙ୍କ ରିପୋର୍ଟ